السلام عليكم
حيل الله اقوى مابقى في يدي شـيّ
مافيه حل ٍ فـي يدينـي.. ذخرتـه
حاولت .. لكن المحاصيل هـيّ هـيّ
الطير طـار ولا بقـى الا شجرتـه
وقفّت اشوف شويّ واغمّض شـويّ
واللي انكسر في خاطـري ماجبرتـه
لين الحقت شمسي على بارد الفـيّ
وشفت ان كل اللي جمعته خسرتـه
من كثر ماعزيت ريقي عـن المـيّ
ملّ الصبر من كثر صبـر ٍ صبرتـه
كم هقوة ٍ ضاعت على سكـة الغـيّ
وكم حلم فـ( تراب ) الحقيقه قبرته
واقف .. وطعنات الزمن كلهـا فـيّ
وساقي لو انه كلّ منـي / كسرتـه
بعد ماعاش اليأس في احساسي الحيّ
اخوي .. لو هو صد عنـي عذرتـه
مدري عن اللي كنت احسبه بقى ليّ
اللي حزمت ابه الضلـوع وذكرتـه
اللي طوى حالي بحكم الهـوى طـيّ
قصّر .. وانا كل الطريق اختصرتـه
ماهو خطاء لاقلت ( تأمر على شيّ )
الا الخطاء .. لا اشتقت له وانتظرته
تحياااااااتي .....
موضوع: تأمر على شي ؟ 
السبت يونيو 07, 2008 1:12 pm
